關於一些事 - Watches

6 November 2007

購物癮又發作喇!買錶癮都潛伏咗一段日子，最近又睇多幾隻都幾鍾意，post上來做個比較。

Philip Stein 既Teslar，當年香港一有代理，見到廣告已經好鍾意，以為幾萬蚊一隻。前排經過Sogo，原來最平五千蚊有找。呢隻錶聲稱可以改善人的磁場，消除電子產品對人體的壞影響。我諗起當年電視直銷的磁石手鐲。姑勿論功效，外型一流，多款錶帶任揀，又靚又functional。



有石既貴好多 US$1820


US$2,490


US$2,370










另外就係folli follie。有兩款酒桶型，一隻四方型，四面鑲石。又係多款錶帶任揀，會員有折，二千有找。在website見到類似的，錶帶顏色仲靚。





仲有citizen Xc
呢隻容祖兒聖誕版。只鍾意隻錶，唔關個人事。約$3,400



呢隻冇刻佢個名，係更好的選擇。約$2,500










當然仲有终極DREAM WATCH 卡-T-air，係超晒budget，唔係考慮範圍之內。照post出來分享吓:

Baignoire Allongée


Tonneau


等我廿一號回復自由就會再去睇真d揀邊隻。快d考完就好喇!

想知仲有咩好野，下次再黎喇!

關於吃喝 - Genki Sushi/ Zoe Cafe

30 November 2007

與朋友P和朋友M去Time Square元氣食壽司。叫咗好多野食，食吓笑吓，唔經唔覺就食咗好多碟。



朋友M從泰國回來，帶給我這個手信:

一架用可樂鐵罐砌的「篤篤」



見到呢架「篤篤」，即刻起勾我在曼谷坐「篤篤」的回憶(攞住椰青那個就係我喇)


食完呢，又要去食甜品。去到公司附近的Zoe Cafe，終於有機會試吓d蛋糕。堂食最低消費$50一位，所以就就提議買番公司食。揀咗Opera和1459，點知一開個盒，件1459變咗件白色的cheese cake。Opera係好濃的朱古力味，我估有50-60度可可，最上面一層係好滑。Opera應該有4層:biscuit joconde為餅底，配以兩層或三層咖啡牛油奶油(crème au beurre au café)和一層軟心朱古力奶油(crème ganache au chocolat)而成，蛋糕面再鋪上一層光滑的朱古力。呢件除咗有朱古力和少少榛子味之外，我就食唔出咖啡味。白色cheese cake係唔係new york cheese cake 呢?



朋友P和朋友M係識咗十幾年的朋友，係佢地面前我係最冇顧慮，最輕鬆和自在。係呀，我個「圍」再大，都唔及同你兩個一齊食飯咁舒服咁自在呀!多謝晒!

想知仲有咩好野，下次再黎喇!

關於吃喝 - Sheraton Sky Lounge

18 November 2007













姑姐十一月生日，我、mom和她去了Sheraton 頂樓Sky Lounge食下午茶。叫了一個2人餐和一個Savoury Set。空氣污染太厲害，維港海景好像有一層煙霧罩著。



食物普通，奶茶比半島Lobby淡。(茶餐廳的奶茶好飲好多)

兩個餐加三杯飲品，生日送蛋糕和紅/白酒一枝。五星級酒店下午茶，二百元有找，抵!



想知仲有咩好野，下次再黎喇!

關於一些事 - Evian

25 November 2007

最近有一個特別的習慣，每朝起身飲一杯Evian礦泉水。其實一直都好想剩係飲礦泉水，但係又覺得好奢侈，無端端多咗筆水費，而且剩係飲礦泉水，太多礦物質對身體又好似唔係咁好。於是諗住每朝飲一杯試吓先，睇吓可以維持呢個小奢侈幾耐。

Evian呢個名係一個臨近阿爾卑斯山和Lake Geneva的法國小鎮，亦即是礦泉水的來源地。跟據網頁的資料，該處的積雪和雨水滲入多層冰川的沙，流入地底800米，經多年沉澱淨化並吸取多種礦物質，每一滴最少經過15年的天然過濾而成。嘩! 如果係真既，咁每滴Evian都係好純淨、好矜貴!　除咗飲用水，該區仲有一個spa hotel，可以享受礦泉水spa，真係luxuary。

呢個中高檔品牌，係對生活有要求的人的消費品。佢的marketing好成功，將平凡的element包裝成咁高檔的必需品。每年的Limited Edition又可以製造話題，又係好特別的收藏品，可惜只係指定餐廳、超市有售。又一成功市場策略!

2008 Limited Edition
與fashion designer　Christian Lacroix 合作
一款haute couture/一款prêt-à-porter


Evian Palace - 樽蓋經特別設計
呢個樽唔係藝術品，係咩呀?


2005


2004


2003


2002


2001


2000(鍾意呢年開始的水滴造型）


1999


1998


1997


1996


1995


1994


1993









曾經係香港一間餐廳見過用呢ｄ特別版Evian樽做擺設，印象最深係水滴型的樽，近年推出的雪山型就覺得唔係咁靚。未見過超市有得賣，上網見auction大既百幾蚊一樽，但係都係外國賣家，唔知香港有冇人儲呢ｄ樽呢?你又有冇見過有得賣?

擺入口既，都係揀擇ｄ好。You're what you eat嘛!　

想知仲有咩好野，下次再黎喇!

關於電影 - 東京鐵塔，我的母親父親

24 November 2007

我一向都好怕睇日本戲，節奏慢又悶。呢套既口碑幾好，有人話一向唔會睇戲時喊，睇這齣戲時卻淚流滿面。我睇戲好投入，好易受感動，所以一早去睇早場感受吓。

之前睇咗review，知道有咩感動位，睇既時候冇乜感覺。一向都知道有些母親對子女是冇條件的付出，無論子女有沒有成就，都將他們放在第一位。記得有一幕，雅也問他媽媽退休金是否足夠應付醫藥費，媽媽說一早已經斷供了，她把所有積蓄都放在「投資這個上」，說時隨手拿起雅也那張裱在玻璃框的大學畢業証書。另一幕媽媽入了醫院，卻只要求雅也把他的畢業証書帶過去，收到時更用手帕抹抹並流露安慰的笑容。這個媽媽真的是全心付出，即使雅也在東京只是渾渾噩噩，甚至讀大學留級一年。

雅也媽媽最终沒有遺憾安祥地去了。就是因為沒有遺憾，雅也亦在她生前接了她到東京同住和照顧她，又突然很生性地做人，發奮工作，像補償過去浪費了的時間。那一幕拖著媽媽的手過馬路很有啟發性，正好表現媽媽老了，就由兒子照顧和保護，和開段時媽媽拖著小兒子的手互相呼應，同樣感人。

最尾上東京鐵塔一幕，松隆子和小田切讓的表演亦很自然，見到松隆子睇完雅也媽媽留給她的信後，很自然地流淚，我亦覺得很感動。呢套戲最好就俾d唔生性的細路睇，要佢地睇完識得生性同反省。

媽媽，我愛你。你為我挨了一刀，我會生性做人，照顧你和自己。我知道就算我幾努力都唔足夠報答你犧牲的一切，但係我衷心多謝你為我做的所有事。

你是「全世界最好媽媽」第一位。

想知仲有咩好野，下次再黎喇!

關於一些事 - Elements, Cartier

17 November 2007

多次見到新商場Elements的廣告，在九龍塘地鐵站往又一城的通道貼滿了廣告，還用了許多黑框鏡子裝飾。網上forum又說它裝修豪華，商舖高檔等等，終於去了逛一趟。在九龍站上蓋，坐地鐵直達，但從我家出發要過兩次海，實在太o徙時間。shuttle bus 只提供去商場那程，回程就要自己搭小巴去尖沙咀或搭地鐵。太煩喇，我唔會專登去呢個商場呀。



Hey, Jude!



商場用五行區分，很大而且多是名店。當日另一目的，是去Cartier精品店睇那個皇冠展覽。Cartier樓底比其他商舖高，很有氣勢，店外掛著Princess Grace Kelly戴著Cartier冠冕的海報。睇完d名錶後見到一角有黑色掛簾，有個保安好友善咁示意我和朋友內進。內面漆黑一片，只有射燈照著牆內多頂鑽石皇冠，有一頂鑽石冠是由兩個羽毛型的扣針合併而成，非常對稱。所有都是私人珍藏，亦在曾在各地展覽，現在賀Cartier新店開幕，放在這間店展出。唔敢影相...機會難逢，快d去睇啦!















呢d係chow tai fook既Jewellery - 差得遠囉








想知仲有咩好野，下次再黎喇!

關於電影 - 色.戒

9 October 2007






唔介紹大綱喇，大部份人都睇咗，未睇就自己去搵網站。睇呢齣戲，因為在威尼斯影展獲獎，好評如潮，連陶傑都話「如果一生人只買飛入戲院睇一套戲，色戒係必然之選」云云，就去睇吓係唔係真係咁勁，可惜，我只覺得普通好看，有點失望。

最欣賞的是服飾、佈景和道具。對三四十年代的服裝特別有興趣，中西服飾都很優雅，尤其是女裝，如coca~cola當年poster的美女穿的，而中國當年流行旗袍，密實卻貼身，表現女性的曲線玲瓏。電影背景在上海，當年上海已時國際成市，有外國人做生意，上海女人較早接觸外國文化，較時髦會打扮。戲中女主角後其的服飾:旗袍、長外套，再加一頂bowler hat，襯埋波浪型燙髮，鮮紅色的唇膏，還有那幕在咖啡店塗香水......咁有女人味，易先生又點抗拒呢?

我最鍾意那段是二人在日本招待所，湯唯唱歌好聽又有感情，仲令冷面人易先生喊到失控，成功得到他的感情，亦都埋下那幕送巨型鑽介的伏線。印度人打開那個cartier紅盒子時，我見到那隻眼珠咁大的鑽石真係「嘩」一聲叫了出來。但我又唔明，王佳芝係做特務架嘛，點解咁易俾粒鑽石打動到架?佢唔係付出真感情嘛? 佢鍾意易先生乜呢? 都唔見佢關心或照顧過佢，只當佢係發洩工具。所以唔好睇少鑽石對女人的力量。

仲有，戲裡的男人好唔掂呀!個個都好囊窩!首先係王力宏那個角色，明明鍾意王佳芝又唔早講，仲要眼白白讓佢同人上牀，而且一提出呢個主議後，所有男人仲四散走避，唔敢面對。其實呢D野，梗係揀個鍾意既人做喇，冇經驗咪做多幾次囉，何況果個同學都係新手啫，王力宏要agressive d 嘛，想愛又唔敢愛，點做大事呀? 靠佢保護實死喇!粱朝偉那角色條命又係王佳芝保住的。套戲係要塑造王佳芝的英雄角色，而佢身邊的小男人都係襯托佢的智謀和勇敢。

sex scene冇聲真係差d，第一幕好恐怖，呀易先生好似谷住道氣咁，好抑壓。之後幾幕都好心急，最尾一幕又剪碎晒，用好多鏡頭砌成。sex scene都係多咗d，有性冇愛係咪要回應主題所以要色.戒呢? 點解唔叩戒色呢?

想知仲有咩好野，下次再黎喇!

關於旅遊 - Los Angeles/Las Vegas 2007 (11)+後記

1 October 2007



終於到了最後一天的旅程，乘早機從LA回香港。早上由朋友A駕車送我們到機場，我提著2喼行李check-in。入禁區時，又被當作是韓國人，那個職員拿著我的等區護照，問"Are you from north or south korea?" huh!?!係唔係外國人睇亞洲人個個一樣樣? 算喇，都唔係第一次了。在候機室繼續行商店，買完野後慢慢到閘口前坐低，突然聽見廣播叫我個名，才醒覺大部份人已登機，只有十多分鐘便起飛了。真係好彩!

在日本轉機時已十多小時沒有睡，有兩小時等候時間，仍然死撐行街。終於我行晒成田機場兩個terminal的禁區，睇咗好多本時裝雜誌，最後「支力」到頂唔順先到閘口等。

第十一日行程完

後記

再一次多謝在LA的朋友多日來的照顧，冇佢地我都未必會去LA旅行。見識過LA公共交通，那種homeless臭除仍然難忘，不過又未至於覺得恐怖以後唔想撘。有車固然好，唔係既，其實搭公共交通都可以去到大部份旅遊點，不過要搵齊資料和多次轉車比較麻煩。

LA市區令人想起電影業，尤其係Hollywood Blvd.，有好多theatre，又有人扮電影角色。好多museum，建築物又有藝術風格，所以我覺得LA係一個好modern art city，吸引artist去搞藝術。今次去了大部份想去的地方，但是santa monica，hollywood bowl，six flag mountain，disneyland等等都未去，仲有Las Vegas的show都未睇夠，想睇"O"同埋music fountain的夜景啊! 唔知有冇機會再去呢!

另外，LA人口好多元化，有一次我在巴士上，見到我附近有白人，黑人，墨西哥人，再加上我這個亞洲人，忽然覺得唔同種族人的輪廓、顏色雖然不同，但正因為每個族裔都有其獨特之處，才有各式各樣的美麗面孔。在那個空間，不同人種和諧共處，當下我竟然覺得好感動。衷心希望世界上每一角落也和而不同，互相尊重。

<3<3<3 Love LA! <3<3<3

Views of LA
http://www.hollywoodusa.co.uk/viewsofla.htm

想知仲有咩好野，下次再黎喇!

關於旅遊 - Los Angeles/Las Vegas 2007 (10)

30 September 2007

接近中午到In-N-Out Burger 吃東西，朋友A多次推介這間只在3個州有分店的快餐店，說這是最美味的快餐。In-N-Out 只售3款burger，但卻吸引很多人幫襯，原因是所有burger都是即叫即造，用料新鮮。唔食牛肉的我，又再一次破戒，叫了一個chesseburger。那塊牛肉真係又熱又新鮮，薯條脆卜卜，汽水任飲。比起麥當當的乾爭爭漢堡就覺得係香港唔食牛肉真係冇損失。諗起想再食呀!











食完就去Desert Hill Outlet shopping，大部份的手信都係呢到買既。我地由天光行到天黑，我買了幾袋，反而朋友A和roomate買得很瘋狂，各自買了幾袋名牌衫、手袋、銀包、accessories。係外國生活真係咁苦悶，要大出血來刺激吓?使錢唔眨眼，陪我shopping反而令你地大出血，真係打搞晒!







shopping完畢已經天黑，到一間叫半島大飯店Peninsula Restaurant的酒家吃晚飯。一聽個名就估係香港人開的，裝潢佈置跟香港的酒樓一樣，紅地毯，龍鳳大堂，門口還有海鮮魚缸。所有待應一律說廣東話或國語，連酒樓內的嘈雜聲都搬了過去，好有親切應，彷彿置身在香港。

華人在加州
看呀!全都是黑頭髮黃皮膚


唐餐 - 一般在香港酒樓能吃到的都有供應
叫滿廿元仲送龍蝦 *我們要了薑蔥焗龍蝦









飯後奉送多款中式甜品。半島大飯店附近還有多間中式店舖，全部掛上中文招牌，徹頭徹尾是個華人community。令我想起在溫哥華有「百八伴商場」、「太古廣場」，有蛋撻賣和在播華裔小姐選舉的茶餐廳。見到那些招牌，有些很奇怪的感覺。他們移民到外國，仍然放不下以前的生活，說著華文，吃唐餐，慶祝中國節日，其實心底裡是否仍然放不下老家呢?

第十天行程完