關於吃喝 - Sweet Tooth_Antique

話說當年在中環上班，路經擺花街Antique Patisserie 被佢的裝潢深深吸引。呢間咖啡店有一盞水晶燈，數張圓枱，佈置很簡單，但十分優雅，是吃下午茶和歇腳的好地方。除了咖啡，那裡賣非常精緻的西餅和朱古力。有一次，我打算去買些西餅回家，但我等了良久也等不到店員招呼，那間舖太細，我等得不耐煩便走了。後來知道Sogo和Lee Gardens 已開了分店，便打算試一試。

機會終於來了，本週某日下班後我到了Lee Gardens那間分店買了一件西餅回家。望著櫥櫃裡的西餅，每件也很吸引，每件也想試。我三心兩意，每款的外表都很吸引，由於我唔食cinnamon，又唔想食有酒的蛋糕，最後我買了一件 "Sweet Tooth"。Description 大約係 "Chocolate mousse and sponge cake covered with crunchy hazelnuts"，盛惠三十六個大洋，真係貴喎!但係唔試過我係唔心息既。





打開綠色的蛋糕盒，取出我的"Sweet Tooth"。頂頭半球體係chocolate mousse，外面深啡色，近乎黑色的係朱古力漿，又唔算好甜，濃濃的朱古力，我估有60-70%可可，所以面層基本上唔甜，只有很醇厚的可可味，真係齒頰留香。chocolate mousse不過不失，中間的橙黃色物體，我估係橙或柑皮，總之應該係橘子類的皮。吃完又不覺苦，可能配上朱古力，正好中和甜和膩滯的感覺。混在表面朱加古力漿的hazelnuts，是我的最愛，和朱古力是天衣無縫，可惜太碎太細粒，唔夠喉呀。呢隻"甜牙齒"已經係我的肚裡，哈哈!如果十分滿分，我會俾7.5。下次有機會，我會試 "Poire chocolat"(左下表面有透明水滴啡色那件)，期待...



想知仲有咩好野，下次再黎喇!

關於吃喝 - 整番幾味

每逢週末，我都是自己一個人吃飯。我喜歡食，所以一有機會我也會下廚「整幾味」。雖然算不上大製作，但這些業餘下廚的作品，我覺得什有水準，有些我食左，都會大叫「好美味呀」!!!!

我記得有次在中學 induction camp，我和同學要自己買餸和煮飯。那些同學洗完餸個個企晒晌度，你眼望我眼。我見佢地個個都唔郁，我就攞起個鍋同鍋鏟開始炒餸。個Miss走過黎，佢問我「你平時煮慣o架?」我話唔係喎，我平時都唔掂呢d野。哈哈，我諗我的手勢應該幾好，可以呃倒人。我好記得個次係煮紅腸。係呀，燒味舖個d，所以有幾難呢? 都熟咗啦! 兜幾吓就可以上碟，完全冇難道呀!

我的手勢係觀察我屋企的大廚學回來的。我家的大廚即是我媽媽，以前放學後返到屋企，我就會企係廚房門口同佢傾計，我一路望住佢。我諗睇吓睇吓，我就學識煮飯。雖然，我呢d業餘水準同佢的專業水準差好遠，但我相信假以時日，我多d偷師，我的水準一定會有大躍進。

咁究竟我煮過咩呢?大家欣賞吓喇......










如果要我評分，蜜汁蒜香雞翼係最正既，簡直色香味俱全。至於那個Tiramisu，就徹底失敗，依照指示做卻嫌水太多，有待改進。

想知仲有咩好野，下次再黎喇!

J in the blog 開張大吉

J in the blog 開張大吉!

一直以來都想有個空間記低自己喜歡的事。以前寫過Online diary，但覺得日記要每日寫，我的生活又不至於天天精采，寫了幾百天就荒廢了。寫呢個blog，希望可以將生活的精華片段記低，為將來回顧做個見證。

由今日起，J in the blog 會記以5種分類:
關於電影，關於音樂，關於吃喝，關於一些人，關於一些事。
我會令這裡多采多姿，節目豐富。總之J in the blog多野睇，即係我的生活好精采。

Live the life Seize the day 就係我的宗旨。

歡迎光臨 J in the blog! 請大家留言。

想知仲有咩好野，下次再黎喇!