在Orange County的第一個早晨被太陽的光線照醒，當日天氣非常好。OC的空氣比LA更好，沒有煙霞，又多樹，是比較適合居住的地方。朋友住的地方很像大學宿舍，原來附近一帶都是租給大學生住的，真係一個good neighbourhood。當日天氣實在太好，所以決定去沙灘一趟。
首先，我們去The Hat食午餐，呢間fastfood shop專賣一仲叫pastrami的包，厚厚的包夾著多層薄切豬肉片，非常juicy和充滿香草、黑椒味。個包大約US$7，係成個頭咁大，所以食一半已經非常夠。上網search，原來係Jewish dish，我仲以為係墨西哥的食品。另外再叫了一份chili fries，係薯條上舖滿溶化了的芝士再加辣gravy，真係好食到非筆墨能形容。美食唔一定要貴，普通的食物，只要配搭得宜，偶而食的快餐都是天堂美食。有機會去到，真係要試吓!!
The Hat-World's Famouns Pastrami
食飽後去Newport Beach，即係 The OC裡面d有錢人住的地方，朋友話有d人的屋係有私人沙灘，仲有個私人碼頭泊佢地的豪華遊艇。去加州唔去感受吓陽光與海灘又點得呢? 萬分期待。約一個鐘後，终於到了人間天堂。
金沙 - 太陽下閃著的沙是金色的
身後遠處那些豪宅 - 全部有太平洋海景
唔好睇見陽光普照認為好熱，其實好大風，海水好凍。食完雪條後，我地去了Palm Spring行商場，之後再去一間叫Thai Basil的餐廳食泰國菜。我叫的那個唔辣「咖哩蝦」最正，用花生醬扮咖哩炒蝦。另外，冬陰功都唔錯，酸、辣和香，有青檸的酸，香芧、檸檬葉、蒜茸的香味，好開胃，諗起都流口水。
紅咖哩、黃咖哩、綠咖哩和冬陰功
第九天行程完
沒有留言:
張貼留言