關於一些事 - Are you Central?

28 July 2007

為咗試吓The Flying Pan 的早(午)餐，下晝去咗中環，食完野就展開中環半日遊。路線由荷理活道差館開始，去咗藝穗會，係M at the Fringe扮幫人開門，其實偷影相。沿雲咸街經過好多間Gallery去到都嗲利街睇煤氣燈，之後去皇后大道中The Galleria，再過番對面Bathing Ape，睇完一輪就去搭半山電梯，經過羅便臣道去干德道。沿路望吓Mid Levels大宅，見到中區CBD商業大廈臨立。跟住落山，經過高主教書院，隔離就係天主教總堂。行行吓去番去The Fringe Club，之後去LKF，有個好熱鬧的LKF Festival。以下就係沿途見到的影像，同場附送The Fringe Club精美Postcard數張。





























































































想知仲有咩好野，下次再黎喇!

關於吃喝 - The Flying Pan

26 July 2007

今日係working saturday，放工後去咗中環的The Flying Pan 食晏。呢間標榜24hr English Breakfast的餐廳，係中區警署附近，由於上網搵晒資料，都唔係好難搵。



間舖真係幾細間，大約十張椅枱，但係有ｄ椅背係背貼背，肥ｄ都坐唔落。點了Egg Benedict with baked beans and potatoes，加杯Cranberry Juice，個餐大約幾分鐘就送上。



兩隻蛋賣相幾好，拮入去有蛋黃流出來，整得幾好食。好少係出面食到溏心蛋，除咗考技巧又難煮，或者呢個咁西式的食法唔受茶餐廳食客歡迎，呢次都係第一次食。究竟Egg Benedict係唔係即係解溏心蛋呢?咁點解有個咁既名呢?搵人解答吓我啦!除咗蛋之外，我覺得兩個Side Dish都係麻麻地，薯仔直頭唔好食，中間未熟晒有點硬。呢個早餐盛惠七十大元，真係貴得過份，我計佢食物成本都係廿蚊，所以我會唔特登再去食，今次總算試過。偷咗師，下次我自己試吓煮溏心蛋，加幾塊sausage & beacon，配埋烘芝士toast，仲有banana milkshake 或者mixed fruit juice，諗起又想食喇!

想知仲有咩好野，下次再黎喇!

關於吃喝 - J cooking again

21 & 22 July 2007

真係好鍾意下煮喎! 週末又係一展身手的時候。今次煮的都食橙色的食物，除咗因為鍾意橙色外，橙色可刺激食慾，顏色鮮艷，最大原因都係貪方便就手啫。可以留意我幾餐食的餸都係差唔多，雪櫃有乜食乜，買少少野就可以煮一餐，又唔使食出面貴夾重味精的快餐。







賣相唔係幾好，太肚餓冇心機切料，所以切到又大又細，唔係好整齊。由於我唔識煲飯，唔識用飯煲又唔識就一個份量，多數只會炒隔夜飯或煮麵。屋企通常冇即食麵，只有較健康的日本冷麵，米粉或意粉，所以我煮麵的機會更多亦較拿手。意粉係較難熟的麵類，起碼煮5分鐘先開始軟身，要食好野真係唔心急得。

J煮意粉
1. 意粉煮5分鐘
2. 落diced pepper再煮分半鐘
3. 意粉軟身後隔水，落Cream of Tomato或茄汁
2. 熄火焗2-3分鐘(焗得越耐越「林」)
Done!

想知仲有咩好野，下次再黎喇!

關於電影 - Harry Potter and the Order of the Phoenix

22 July 2007

延續哈利的故事，今日去咗睇哈利的電影"Harry Potter and the Order of the Phoenix"。黎到第5集，真係冇乜新鮮感，主角全部發育期，比較頭幾集的可愛樣唔同晒。全套戲為配合惡勢力越來越強的情節，氣氛都是黑沉沉，後半部真係拖長咗比較沉悶。由於本小說推出到套戲上映隔咗頗耐時間，我都係當一套新戲去睇，雖然係咁，我都係覺得套戲冇乜驚喜。或者睇小朋友玩魔術就合理ｄ，人(主角)大個咗就唔似屬於一個之魔幻世界，始終好難代入去那個明知係虛構的故事。























想知仲有咩好野，下次再黎喇!