全城哄動爭購環保袋
香港出名一窩蜂，「執輸行頭慘過敗家」的心態下，乜野都要人有我有。英國品牌Anya Hindmarch推出震撼價$120環保袋，引來3000幾個香港人通宵排隊。公司鄰近利園商埸，我親眼目擊星期四已開始有人在利園外冒雨排隊，仲以為LV或Chanel等名牌割價大減價，原來係等買呢個環保袋。星期五返工，依然見到人龍圍住利園兜圈，通宵瞓街，唔使呀嘛，香港人幾時開始咁支持環保?
講真，$120買一個名牌袋係幾吸引，而且個袋都幾大，外型又幾好。報紙刊登中外名人的示範照片，更加加深香港人的「人有我有」心態，名星都用喎，不防用$120買一份虛榮感。其實有幾多人純粹為環保而買呢個袋?唔見得佢地咁辛苦買這個袋帶去買餸，甚至我相信絕大多數人是排隊黨，這個袋到手後便會放上網賺錢。原價$120的環保袋更炒至$3,000，升值超過廿倍，真係好過炒股票呀!
想知仲有咩好野，下次再黎喇!
沒有留言:
張貼留言