28 August 2007
話說我被派往一間五星酒店出席某上市公司的周年股東大會。我不虞有詐，本著去見識的心態，一口答應仲係張委任出席表填埋自己個名。後來同阿姐講開我當日會提早離開公司出席該會議，阿姐好大反應，佢話根本唔應該接呢單生意，仲話呢d會議係要我地公司的老細級人馬先夠班出席。佢打俾個客，原來出席呢個會議，唔只舉手投票咁簡單，仲要challenge個主席，問佢幾條非常尖銳的問題。
我一直都被蒙在鼓裡，如果唔係阿姐，我真係懵盛盛代表個客去開會，到時應承咗人，唔問又唔得。咁問呢ｄ問題，肯定所有記者都會攞個咪追住我，所有鎂光燈都會對住我，咁唔上財經版頭條都唔得喇! 學阿姐話齋，做呢ｄ野真係要問清楚，如果唔係真係死咗都唔知咩事。個位叫我做呢單野既人，由頭到尾都冇話俾我聽要做咩，一味只叫我填個名上張表格，完全冇交代係咁大件事，非常不付責任。佢自己點解唔去開會?點解要搵我呢個junior去? 佢自己唔想去就唔好接呢個job喇，又唔係收得多錢，但就要應付咁複雜的事，搞得唔好仲影響公司形象。本來我都唔信佢咁不負責任，依家發生係我身上的事，我真係唔信都唔得，以後做佢的野都要小心ｄ，問清楚。好彩今次我同阿姐「單」聲，俾佢揭發呢個詭計，保住我條小命，大步檻過。辦公室政治，第一次領教它的厲害。
想知仲有咩好野，下次再黎喇!
沒有留言:
張貼留言