今日真係大子呀!第一次觀賞一個真正的fashion show。早前在報紙見到一個派飛活動，送出多場fashion show入場卷，那間舉辦公司就在我office的同一座大廈，我親手將表格交到那間公司，等了幾天，終於收到email回覆獲邀出席，開心到飛起! 這場Vera Wang 的fashion show在遮打花園臨時搭起的場地舉行，就像一個打撗了的「T」型場地。當日和朋友C到達後，在裡面食過幾款refreshment、Godiva朱古力和Champagne後便到另一邊欣賞那場show了。
那個會場其實也沒有什麼佈置，藍光投射著設計師名字「Vera Wang」的布幕前有一條長廊，兩旁數行椅子，盡頭是記者的攝影區。穿上秋冬服裝的Models隨著音樂進場，多數都是深沉的冷色，如深啡，深藍，墨綠，銀灰，炭黑等等，另外再加些暖色accessories如鮮紅頭巾，米黃披肩，金線刺繡等做點綴。我又留意到好多models都做著深色leggings，又有深藍，芥末黃，深啡，都幾襯上身的服飾，唔會一味黑o麻o麻。整場大概只有半個鐘，整體上的衫都可以著得出街見得人，應該適合香港的天氣。大部份的服飾都很薄，更有幾條冇袖長裙，只有一兩件毛毛領大褸。當晚的應該係秋裝設計，如果係NY的冬天，除非係室內著，如果係冰天雪地點著呢d衫呢?唔通學阿邊個話齋，台上的衫係俾觀眾欣賞，唔使理實際環境和天氣限制?
show後去了Landmark食dinner -- 麥記的外賣，和朋友C坐係Landmark Cafe出面對住Marc Jacobs食野，非常狼狽，好彩當時冇乜人經過。
餐後去了Alexandra House睇睇Armani系列，Armani差不多租了該棟大廈所有商舖，有GA, EA，Armani Fiori (Florist)，Armani Dolci(Chocolatier)，Armani Libri(Bookstore)，Armani Comestics，仲有間Armani Cafe。通住Landmark天橋上那大幅牆上更投射著Armani fashion show呢!以往在中環上班經過Alexandra House都被那些影像吸引，直至當天才發現整棟大廈都是Armani，簡直係置身Armani「王國」!!
this is LOVELY!
當日總算睇到一個真正的fashion show，雖然個collection唔算靚，但總算一償所願，依家的目標係有坐位同埋飛去NY出席一年兩次的fashion week!
蘋果日報報導 9 September 2007
貝 安 琪 德 國 做 打 女
Master Card Luxury Week 時 裝 節 進 入 尾 聲 ， 前 晚 舉 行 美 國 設 計 師 Vera Wang 作 品 展 ， 昨 日 則 輪 到 Nicole Farhl 上 場 。 貝 安 琪 以 性 感 紅 唇 配 低 胸 黑 裙 亮 相 Vera Wang 騷 ， 與 一 向 衣 大 膽 的 陳 姿 允 大 鬥 性 感 。
我都見到佢地兩個，貝安琪真人又冇上鏡咁大隻喎，真人好slim，上鏡真係肥十磅。
想知仲有咩好野，下次再黎喇!
3 則留言:
"唔通學阿邊個話齋，台上的衫係俾觀眾欣賞，唔使理實際環境和天氣限制?"....
你講既 "阿邊個" 係咪DANNY?? --->「做 artist既 ， 唔 係 時 間 、 天 氣 可 以 局 限 ， 幻 想 力 係 唔 受 邊 際 影 響 ， 個 台 咁 遠 ， 人 地 邊 睇 到 你 件 褸 乜 野 質 地 呀 ？ ... 舞 台 表 演 唔 係 生 活 ， 呢 件 大 褸 係 用 嚟 表 達 意 念 」
之唔係佢囉!如果真係如其他人講，當年係佢最先著Armani，咁佢真係幾有品味。呢個牌子發展到今時今日咁多條Line，都真係長青襟興。話你知呀，我的眼鏡都係EA黎o家，戴咗幾年，我都覺得個框好型呀，我覺得自己好有taste呀，hehe!!
乜咁啱呀....我個眼鏡亦係Armani傑作... 但唔係EA, 而係GA... !!
講真, 我覺得Danny真係好有taste, 衣著品味勁掂, 直情由頭到腳都打扮得咁靚, 咁有型有款, 更重要既係廿年來都未out過去!! 現在睇返佢依然咁掂...classic 呀!!!
而佢喜歡的東西, eg. 擺設/家居/車子/音樂 etc 又真係好正!!!
哈哈, 我鍾意佢, 我都覺得自己好有taste!!
張貼留言