晨早起身搭旅遊巴去今次旅程的另一種要景點 Grand Canyon。唔去都唔知，原來Grand Canyon唔係屬於Nevada，而係屬於Arizona。唔怪得車程咁耐，由Las Vegas去Grand Canyon的West Point要五、六個鐘，原來係要穿州過省，又行荒蕪的沙路，四圍只有紅色的沙和疏落的植物。
途中行經Hoover Dam，司機話係西岸的一項重大工程。當地係沙漠地帶，當年環境非常惡劣，又冇屋冇水，好難搵工人肯去開發城市。起了堤壩有足夠儲水就可以吸引勞工和投資者了。當日只匆匆拍了幾張相，又繼續起程去Grand Canyon。
終於到達Grand Canyon，第一個重點係SkyWalk，呢項?年前完工的大建設，在網頁上的官方照片非常宏偉，一個U型的玻璃通道懸空伸展在幾千呎的峽谷懸崖邊，但係現實中，那只是一條非常短的U型通道，懸空的部份不多，走在上面一點也不覺breathtaking，就算是那個玻璃地面也沒有增加恐怖的感覺。我想一來是主觀覺得腳下的峽谷不是很深，二來認為矮人係唔畏高既，以我的高度計由於重心偏低，所以我一點也不怕，還學那些工作人員做危險動作，一面望著腳下的玻璃，一面往後拗腰扮跌低。基於安全理由，所有隨身物品也要鎖進locker，不可帶相機隨行，另外又要在鞋上套上像浴帽的保護套。capture唔到那個好似好勁，其實好豆泥的SkyWalk。
Skywalk
之後又搭旅遊車住另一面拍照，這邊的景色較有氣勢，真正感受到峽谷地勢險要。
最後遇上西部牛仔(當然是假的)。看見這些牛仔打扮的人，總令我想起Levi's牛仔褲。
幾過半日的行程，回Las Vegas時已是傍晚，在New York New York吃晚餐後，走到The Strip欣賞夜景。由街頭行到街尾近Stratosphere折返，再回到街頭的酒店，大約用了兩個多小時，約凌晨一時多才回到酒店休息。
Excalibur
New York New York
they even have a "Brooklyn Bridge"
夾唔中呀
Paris
M&M's
The M&M's coin manchine
The Forum
Caesar's Palace
為鍾意Cartier的朋友而拍的
"Volcano Show" at The Mirage
Treasure Islands
The Venetian
第五天行程完
3 則留言:
我喜歡 "The Strip" 既夜景.... 星光熠熠咁, 好熱鬧呢....又有各國名勝既迷你版睇喎 ~ 正!!!
Grand Canyon 我就反而冇咩興趣去睇喎... 長途跋涉去到都好似冇咩特別, 一遍荒蕪咁!!! 仲要好似去食沙!!!!
p.s. "為鍾意Cartier的朋友而拍的"..你講緊我呀?? 嘻嘻 ^^
講真個句，Las Vegas的夜景同香港的夜景比係冇得fight。Las Vegas係靚，但係外國地大，唔似香港的樓咁密集，所以我覺得香港的夜景靚d。你見The Strip咁熱鬧，但係The Strip以外其實係一片荒蕪，冇乜街燈架。當然佢地的賭場豪華過澳門好多喇。
Grand Canyon真係冇咩睇，係大自然風景，歷史沉澱物。你係澳洲大把自然風光喇，我估就好似Alice Spring那舊石咁囉。
都唔只你一個鍾意Cartier，我都啱呀，總之就送俾睇到呢個blog的人喇!
我覺得維港兩岸的景色真係好靚....有次我早上大約十一點經過文化中心諗住搭船過中環.... 在海傍望過去中環的時侯, 覺得好似有一幅超巨型海報落在眼簾....觀感上覺得兩岸好近, 而啲景就直情靚到唔似真既...
香港的發展真是一日千里!!!
張貼留言