Pirates of the Carribbean – At World's End
呢期海盜真係紅。睇咗前兩集 The Curse of the Black Peark同Dead Man's Chest，今次第三集梗係捧場啦。其實我都唔係好記得前兩集的恩怨情仇，只記得Captain Jack同Elizabeth有條感情線，所以今集有好多地方都唔明。Captain Jack一貫佢的搞笑作風，佢一出場氣氛就輕鬆晒。真係幾欣賞Johnny Depp，又靚仔，又識做戲，搞笑扮o野又得，憂鬱古怪又得，莊諧並重，咁靚仔都要做性格演員，專揀d另類角色的戲做，又做得到喎，拍住Tim Burton，難怪係佢的愛將。
新角色發哥做的嘯風船長都幾多餘，出咗2場，共十幾分鐘就瓜咗。我覺得發哥的英文都算唔錯，但唔知係唔係佢帶咗牙套，影響發音，好似冇佢係另一套西片講得咁流利，係有d口音咁囉，但好過阿Jackie青成龍大哥好多好多。其他演員都不過不失喇，呢類大堆頭同特技電影都好難突出搶鏡。另外，我硬係覺得Keira Knightley係整過個嘴，好唔自然。係隆咗上唇，好似成日「嘴囂囂」，合埋嘴個上唇都「囂」出來，連個人中都扯平咗，唔見咗。我印象中睇過片報導佢認整過容架。仲有呀，佢有幾幕係非常似Natalie Portman，一模一樣，不過Natalie Portman係冇整容既，自然好多。今次又出現個由第2集開始困擾我的迷團，Captain Barbossa同Bill Turner(即係阿Will阿爸，變咗Black Pearl 一部份的海盜)係唔係同一個人?如果係，點解兩個角色同時出現?迷底終於解開，原來係兩個角色唔同人扮演，但係你地唔覺得好似咩?我由第2集覺都依家呀... 呢套戲仲會唔會有第四集?睇個中文譯名「終極之戰」就應該唔會再有喇，但最尾Captain Jack偷咗張地圖，近鏡影住"Source de Vita"，咩「生命之源」係唔係伏線黎架? 咁即係點Jack?
想知仲有咩好野，下次再黎喇!
沒有留言:
張貼留言