今日係working saturday，放工後去咗中環的The Flying Pan 食晏。呢間標榜24hr English Breakfast的餐廳，係中區警署附近，由於上網搵晒資料，都唔係好難搵。
間舖真係幾細間，大約十張椅枱，但係有ｄ椅背係背貼背，肥ｄ都坐唔落。點了Egg Benedict with baked beans and potatoes，加杯Cranberry Juice，個餐大約幾分鐘就送上。
兩隻蛋賣相幾好，拮入去有蛋黃流出來，整得幾好食。好少係出面食到溏心蛋，除咗考技巧又難煮，或者呢個咁西式的食法唔受茶餐廳食客歡迎，呢次都係第一次食。究竟Egg Benedict係唔係即係解溏心蛋呢?咁點解有個咁既名呢?搵人解答吓我啦!除咗蛋之外，我覺得兩個Side Dish都係麻麻地，薯仔直頭唔好食，中間未熟晒有點硬。呢個早餐盛惠七十大元，真係貴得過份，我計佢食物成本都係廿蚊，所以我會唔特登再去食，今次總算試過。偷咗師，下次我自己試吓煮溏心蛋，加幾塊sausage & beacon，配埋烘芝士toast，仲有banana milkshake 或者mixed fruit juice，諗起又想食喇!
想知仲有咩好野，下次再黎喇!
2 則留言:
係呀....我又覺得佢ok喎~同我係英國食的早餐,有過之而無不及!都幾好食呀...雖然睇d料賣$70好似貴左d,不過其實出親街食晚飯都差唔多係呢個價,仲可以食到英國口味,hehe我想再去呀!不如下次係食個eng full bfast啦,可能會覺得抵d~
一日食3隻蛋，我驚膽固醇會超標喎。望吓個full breakfast，我諗我應該食唔晒呀，除非我真係好餓啦!
張貼留言