關於一些事 - 香港音樂展2007

今年的「香港音樂匯展」在會展舉行，與「香港國際影視展」同期展開。音樂與電影，兩者我都愛。不過，關於「香港國際影視展」我完全未聽聞，亦唔知有咩展覽。至於「香港音樂匯展」，早前常在報章、雜誌見到相關報導，而且去年首屆亦有參觀，所以今年又去趁吓墟。

今年的「音樂展」，除了位介紹香港的歌手，亦包括幕後，如作曲、填詞人，各台的DJ，粵曲，甚至舞台劇。今次的展品有某些歌星的演唱會登台衫，手稿，獎座等。今之的展品沒有上年那麼多，雖然場地較大，但有大部份地方租給唱片公司開檔，只有三份一的地方放有展品。

見到有個版介紹DJ，我諗起自己初中的時候偷偷地半夜在被竇內聽收音機，晚晚追廣播劇的日子。當年我聽第一個商台廣播劇，係梁朝偉同楊采妮的「初戀無限次」，我記得個大結局做咗舞台劇，我依家都識唱首主題曲架。都十幾年前的事囉。再諗早d，小學時，我每天都聽「十八樓C座」，呢個劇做到依家，真係長壽，周老板，祥嫂佢地真係伴我成長。「十八樓C座」依家中午播出，夜晚重播，我冇時間聽，但我都好鍾意聽呢d諷刺時弊的節目，覺得演唱者風趣生鬼，又可知道一些時事新聞。我真係幾欣賞寫劇本的人，亦好欣賞演出者，雖然只有數人演出，但又做到像有好多人係呢間「周記茶餐廳」討論時事，談天說地。如果冇咗電台呢個媒介，歌手少咗好多宣傳的機會，佢地的歌亦冇可能咁流行。期實，我覺得電台呢個媒介比電視台更有影響力，接收電台的頻道比用衛星傳送的電視訊息更快、更易。如果沒有DJ，我應該冇機會接觸外國的流行音樂。目前，我上網也會聽收音機，大部份的歌，我也是從電台首次接觸的。所以話，兩者真係息息相關。希望來年的展覽會有更多展品及更多宣傳吧。





想知仲有咩好野，下次再黎喇!