同mom，姨媽，細姨一家一行六人去海洋公園。今年係海洋公園30周年，門口有個好大的牌寫住。到達時還未開門，同大班人在門口等入場。第一個玩的就係大汽球。我初初以為係用火的熱氣球，原來用條鋼鑬吊住升上半空，停幾分鐘就降落。風景確係幾靚，仲見到熊貓館興建中，要夏天先起好迎接兩隻國寶。
之後的行程:
纜車，太平洋海岸，鯊魚館，海洋館，水母館，海洋劇場，海盜船，沖天飛鷹。最鐘意水母館，因為第一次睇，水母在燈光的效果下變色，真係好靚。
我對海洋公園有情意結，第一次去只有幾歲，但我好記得搭過纜車，見過海豚和殺人鯨。第二次應該大學時期和一班同學去。第三次是畢業後和朋友去。每次也盡興，見到好多海洋生物亦好開心。我覺得海洋公園比廸士尼更吸引。去海洋公園可以見到難得一見的動物，又有教育性，比起玩機動遊戲更有趣。不過咁樣比較，可能唔公平，始終兩個唔同的主題，但不能否認海洋公園更有香港特色，而且係香港人建設的大型公園。雖然已經有30年歷史，仍然受香港人及內地同胞歡迎。希望海洋公園未來有更多特色的動物，例如養條殺人鯨(冇咗海威，海洋劇場好似少咗d野咁)，便能吸引更多人去遊覽。
想知仲有咩好野，下次再黎喇!
沒有留言:
張貼留言