去天馬艦的香港環球嘉年華。之前幾年都有去，有些機動遊戲的確幾好玩。呢次嘉年華由上年12月尾開始，一直也想去，無奈聖誕和新年假期都沒有去。當日冇野做，於是就去期待已久的嘉年華......
與以往入場免費，玩遊戲收錢不同，今次收入場費，但可以玩所有機動遊戲，包括跳樓機1次和30個代幣。我今次的目的係玩遊戲贏公仔。玩咗摩天輪，flying swing，euro coaster，超高滑梯，滑浪飛船同另一個都會濕身的激流船等等。
攤位遊戲方面，都預咗難玩難贏。玩咗好多樣，都同dump錢冇分別，最後只有釣鴨仔同碌乒乓波贏咗一隻長頸鹿同兩隻好核突的狗仔。
其實機動遊戲都係以前玩開個d，除咗跳樓機同G-force我係唔會玩之外，其他我都玩過晒，有d仲玩咗幾次。今次最新鮮的係個幾層樓的滑梯。起初攞住個麻包袋行上去頂都有少少怯，又喘氣，好驚打跟斗咁碌落黎，咁高，實瓜得啦!sir落黎時真係幾快，真係有d驚，但唔知係唔係我算重，越sir越慢，情況就好似sir鋼滑梯啜住啜住咁，落到底有d唔順暢，要用腳協助先玩晒，總括黎講係一個好玩的遊戲，好受小朋友歡迎。不過除非出年好d機動遊戲或者入場費平d，如果唔係，我應該唔會再去囉。
想知仲有咩好野，下次再黎喇!
沒有留言:
張貼留言