本周追看小說，每晚點幾兩點瞓。終於作感冒，每日打幾個乞嗤，我都預感有d唔妥。前日一早起身已真係唔對路，喉嚨痛又鼻塞。撐到放工，周身骨痛，肋骨閃閃吓咁痛，好似觸電咁，個d「痛」好似識走，圍住個ribcage跳吓跳吓......到放工時，明明熄咗pc，又俾阿姐叫返轉頭執手尾，做到公司熄冷氣至走。返到屋企，即刻瞓覺，開始發高燒，燒到滾。起身照鏡，塊面紅過搽胭脂。頂唔順去睇醫生，醫生睇完我的喉嚨，就搖頭歎息，仲暗暗講句「嘩! 好嚴重喎!」佢話偏桃腺發炎，又紅又腫。真奇怪，我喉嚨只有少許痛。星期五晚瞓覺，熱到好似著咗幾件羊毛底衫再冚棉胎，熱省咗，用退熱貼都冇用，個額頭「馨」到塊野都跌出來。我覺得好似龍珠悟空變超級撒雅人有團火圍住我咁!張床又瞓到熱辣辣，真係熱到噴火!
星期六已退燒，又冇周身痛，夜晚仲去食pizza。點知今日就「有報應」喇!
今朝我一開聲，簡直唔掂呀!把聲仲沉過o靚仔青春期變老牛的聲，依家都唔敢講咁多野，實在太難聽喇!快d俾番把聲我呀呀呀呀呀.......
今次冇好野，想睇好野，下次再黎過啦!
沒有留言:
張貼留言