Trois Place pour le 26 (1988)
第二齣觀看的電影叫「二十六號三個座位」，都是一齣歌舞電影。這是一套關於Yves Montand(介紹話係法國的Frank Sinartra)生平的故事，由Yves Montand做回自己，回到故鄉馬賽的歌劇院參演自傳式歌舞劇。女主角Marion幻想自己會做明星，知道偶像Yves Montand會來馬塞做歌舞劇就上門叫佢送3張戲飛俾佢同佢的朋友去睇。Yves返馬賽的另一原因，就是要找回佢的舊愛 - 一個捨佢而去，嫁咗個有錢佬的舞女。歌舞劇的女主角辭演，Marion即時自薦頂上，又竟然被接納，而且大受觀眾歡迎。Yves對Marion日久生情，當Marion同Yves發生咗關係後，佢先知自己原來就係個舞女同Yves生的女。Marion知道Yves仲掛住佢阿媽，所以就帶住阿媽去見Yves，最後Yves先知道佢日見夜見的竟然是佢的親生女。
呢個結局非常奇怪!點可以咁平常心對待呢件事呀?最初仲以為Marion會自己一個人走佬匿埋，但佢竟然帶佢阿媽同佢「阿爸」重逢，而且仲一齊去外國巡迴演出。搞成咁都無地自容啦，幾噁心喎，點面對呀?個故事真係唔多掂，呢齣戲係欣賞阿Yves的歌舞，唱歌係幾有水準，其他歌舞劇的怖景，如馬賽街頭、船塢景都幾有規模、逼真。女主角外表唔得，但應該有跳舞底子，跳舞都有板有眼。呢齣戲都算係 A Tribute to Yves Montard，佢的法國戲迷或者會欣賞，但作為唔知佢係乜水的觀眾如我應該唔會有共嗚。
想知仲有咩好野，下次再黎喇!
沒有留言:
張貼留言