18 May 2007
我另一個「家」Japso又有Gathering，今次意外地收到好多手信。原來個個最近都去咗旅行，趁今次見面分手信俾大家。這次又約在尖沙咀的和花亭，今次唔係坐凹入去地下的位，所以唔使除鞋。唔知係唔係因為呢個原因，今次的食物的水準差好遠呀。每碟的份量非常少，上菜又慢，個肥牛肉飯得兩片牛肉，仲要係超薄。壽司拼盤尚可，最好食係吉烈豬扒烏冬，烏冬好滑。食完飯，六少才到，大家想轉場去Haagen Dazs食甜品，但係9個人實在太難等位。等到唔耐煩就去咗樓上Café。
就係上次玩「有口難言」間野，不過今次我地玩最愛的遊戲 - 飛行旗。呢個時候，神秘OK竟然蒲頭!! 俾佢地提起我單「整蠱電話」事件，證實o個個果然係老千，好彩我冇中招。OK仲話下次打黎會用暗號識別。10 個人堆埋一齊玩飛行旗，期間大佬提起最近喬寶寶的「勃勃超人」廣告，佢地組人就成晚一起機就叫「勃勃」，好白癡!飛行旗最刺激的係可以打對方的機返鄉下然後從頭玩過。我同平姐的機無數次就到終點，亦都無數次被打返鄉下。玩咗2個鐘，終於係大佬佢地贏咗。希望下次「邊爐全民大會」可以碌番佢地排牙!!!今次的”full band”真係難得一見，快d再搞下次gathering啦。
想知仲有咩好野，下次再黎喇!
沒有留言:
張貼留言